Türkiyənin 2025-ci ildə ən çox izlənilən seriallarından olan “Uzaq Şəhər” ilk mövsümünün finalına yaxınlaşır. Reytinq rekordları qıranekran  işi 2 iyun tarixində yayımlanacaq 28-ci seriyası ilə tamaşaçılara müvəqqəti olaraq vida edəcək. İkinci mövsümün isə sentyabr ayında başlayacağı gözlənilir.

Birsen Altuntaşın yaydığı məlumata əsasən, “Uzaq Şəhər” artıq həftələrlə reytinq cədvəllərində birinci yerdə qərarlaşır. Serialın final bölümü üçün çox təsirli və sarsıdıcı bir süjet xətti hazırlanıb.

Mardin şəhərinin mistik atmosferində lentə alınan və məşhur “Al Hayba” serialının adaptasiyası olan bu ekran işi Lale Eren və Kerem Çatayın prodüserliyi ilə ərsəyə gəlib. Ssenari müəllifi Gülizar Irmak, baş rollarda isə sevilən aktyorlar Ozan Akbaba və Sinem Ünsal yer alır.

Hazırda serial 24-cü bölümü ilə “ən çox izlənən serial” siyahısında zirvədədir. 25-ci bölümün anonsu isə sosial şəbəkələrdə böyük maraq doğurub və yüksək paylaşımla qarşılanıb.

“Uzaq Şəhər”in ikinci mövsümündə daha dramatik hadisələrin yaşanacağı gözlənilir. Tamaşaçılar isə artıq indidən sentyabrı səbirsizliklə gözləyirlər.

Gundemxeber.az