Türkiyənin İstanbul şəhərində narkotik istifadəsi ilə bağlı istintaq çərçivəsində saxlanılan məşhurlarla birlikdə adı hallanan müğənni Simge Sağın meneceri Özgür Aras məlumatı təkzib edib.

Gundenxeber.az bu barədə "Ensonhaber"ə istinadən xəbər verir.

Özgür Aras açıqlamasında məsələ ilə bağlı onlara hər hansı rəsmi bildirişin daxil olmadığını qeyd edib.

"Simge bir həftədir ki, həm tətil, həm də klip çəkilişləri üçün ABŞ-dədir. Hazırda bizə hər hansı problem barədə məlumat verilməyib. Vəkilimiz məsələni izləyir", - deyə o bildirib.

Qeyd edək ki, İstanbul Baş Prokurorluğu tərəfindən başladılan narkotiklə bağlı istintaq çərçivəsində çox sayda məşhur saxlanılıb. Onların sırasında İrem Derici, Hadise, Simge Sağın adları çəkilir.

Gundenxeber.az