Axşam saatlarında Bakının Xətai rayonu ərazisində xəsarətlə nəticələnən yol nəqliyyat hadisəsi baş verib. ANS PRESS-in məlumatına görə, Yusif Səfərov küçəsi ilə hərəkətdə olan xanım sürücünün idarə etdiyi “Pajero İo” markalı avtomobil yol kənarındakı “Toyota” markalı avtomobilə çırpılıb. Zərbənin gücündən “Toyota” da qarşısındakı “Hyundai” markalı avtomobilə dəyib.

Qəzanı törədən avtomobildəki 2 azyaşlı uşaq yüngül xəsarətlər alıb. Onlar hadisə yerinə çağırılmış təcili tibbi yardım avtomobili ilə xəstəxanaya aparılıb. Xanım sürücünün sözlərinə görə, “Mercedes Galenwagen” markalı avtomobil dövlət yol polisi əməkdaşlarından sürətlə qaçarkən onun avtomobili sıxışdırılıb və o idarəetməni itirərək qəzaya səbəb olub.

Faktla bağlı araşdırmalar davam edir.

Hadisənin dəqiq hansı şəraitdə baş verməsi müşahidə kameralarındakı görüntülər yoxlanıldıqdan sonra bilinəcək.