Kripto biznesmen Roman Novak və həyat yoldaşı Annanın Birləşmiş Ərəb Əmirliklərində qətlə yetirilməsi ilə bağlı təfərrüatlar ortaya çıxıb.

Gundemxeber.com xarici mediaya istinadla xəbər verir ki, müstəntiqlərin sözlərinə görə, cinayət müharibə veteranı tərəfindən törədilib və cütlüyün cəsədləri səhrada basdırılıb. Şübhəlilər həbs edilib.

Rusiya Daxili İşlər Nazirliyinin sözçüsü İrina Volkun sözlərinə görə, cütlük oktyabr ayında BƏƏ-də sahibkardan xərac almaq məqsədilə zorla qaçırılıb. Canilər məqsədlərinə çata bilmədikdə onları öldürüb və cəsədlərini səhrada basdırıblar.

Sankt-Peterburq məhkəməsi üç şübhəlini həbs edib: keçmiş detektiv Konstantin Şaxt, eləcə də Ukraynadakı döyüşlərdə iştirak edən Vladimir Dalyoxin və Yuri Şaripovu həbs edib.

Rusiya İstintaq Komitəsi "İki nəfərin qətli" maddəsi ilə cinayət işi açıb

Əvvəllər Roman Novakın kriptovalyuta ilə məşğul olduğu və Fintopio ani pul köçürmə tətbiqini yaratdığı bildirilirdi. O, təxminən 500 milyon dollar investisiya cəlb edib, daha sonra isə yoxa çıxıb və investorları və işçiləri ödənişsiz qoyub. Mediada Novakın Pavel Durovun dostu kimi təqdim edildiyi və "ərəb şeyxləri ilə əlaqələri"ndən danışdığı iddia olunurdu.

Qurbanların azyaşlı uşaqları qalıb və onlar qohumları tərəfindən BƏƏ-dən aparılıb

Gundemxeber.com