Türkiyənin Yalova şəhərində şübhəli şəkildə evinin pəncərəsindən yıxılaraq həyatını itirən müğənni Güllünün işi ilə bağlı istintaq davam edir və daha bir nəfər nəzarət altına alınıb.

Bu barədə Gundemxeber.com "Haber Global"a istinadən xəbər verir.

Məlumata görə, istintaq çərçivəsində müğənninin qızı Tuğyan Ülkem Gülter və qızının rəfiqəsi Sultan Nur Uludan sonra rəfiqəsinin atası Arif Ulu da Kocaelinin Gebze rayonunda saxlanılıb.

Bununla da istintaq çərçivəsində saxlanılanların sayı dörd nəfərə çatıb.

Qeyd edək ki, sentyabrın 26-da Güllü (52 yaş) Yalovanın Çinarcık rayonunda yerləşən binanın 5-ci mərtəbəsindəki evinin pəncərəsindən yıxılaraq ölüb.

Güllünün ölümü ilə bağlı Yalova Respublika Baş Prokurorluğu tərəfindən aparılan istintaq çərçivəsində qızı Tuğyan Ülkem Gülter, qızının rəfiqəsi Sultan Nur Ulu və onların yanındakı daha iki nəfər ölkə xaricinə qaçmağa hazırlaşdıqları zaman İstanbulda saxlanılıblar. "Qəsdən adam öldürmə" ittihamı ilə saxlanılan Tuğyan Ülkem Gülter, Sultan Nur Ulu, eləcə də nəqliyyat vasitəsinin sürücüsü ilə bağlı Yalova Vilayət Polis İdarəsində prosedurlar davam edir.

Gundemxeber.com