Heç kəsə sirr deyil ki, Azərbaycanda özünü toxunulmaz hesab edən “oliqarx məmur”lar mövcuddur. Korrupsiyalaşmış belə məmurlar dövlət siyasətinin əsas prioriteti olan sosial ədalət prinsipinin pozulması, vətəndaşların dövlətdən narazı salınması əməllərinə yol veriblər.Prezident İlham Əliyev tərəfindən özünü qanundan üstün tutmağa və dövlətin göstərdiyi etimadan sui-istifadə etməyə cəhd edən məmurlara qarşı sərt addımların atılması bu gün də davam edir.Son günlər Bəylər Eyyubov və qohumlarının qanunsuz əməllərinə qarşı atılan addımlarla bağlı yayılan məlumatlar da belə nümunələrdəndir. Kimlərinsə vaxtilə etdiyi hansısa xidmət onlara dövlətə minnət qoymaq haqqını vermir. Azərbaycanda qanun şahdır və bunun təminatçısı birbaşa Prezident İlham Əliyevdir.

Gündəmi zəbt edən Eyyubovlar ailəsinin daha bir nümayəndəsi, hazırda 12 saylı Ərazi Vergilər Baş İdarəsinin rəisi Şahin Eyyubovun da əmisinin yüksək vəzifədə çalışmasından və nüfuzundan istifadə edərək bir sıra qanunsuz hərəkətlərə yol verdiyi iddia olunur.Bununla bağlı ölkə başçısına edilən müraciətdə olduqca ciddi ittihamlar irəli sürülür.
Belə ki,Məhərrəmova Mirvari Qəşəm qızı prezident İlham Əliyevə,birinci vitse prezident Mehriban Əliyevaya və iqtisadiyyat naziri Mikayıl Cabbarova ünvanladığı müraciətdə Şahin Eyyubovun səlahiyyətlərindən və yaxın qohumlarının adından istifadə edərək, onların ailəsinə ağlasığmaz dərəcədə vurduğu maddi və mənəvi ziyan barədə məlumat verib.

SİTAT:"Qardaşım Adıgözəlov Füzuli Qəşəm oğlu 19 aprel 1995-ci il tarixdə “Güllübulaq” adlı Məhdud Məsuliyyətli Cəmiyyət təsis edərək Bakı şəhərində sahibkarlıq fəaliyyətinə başlamışdır. İşlərin daha da, genişləndirilməsi üçün MMC-nin əlli faiz təsisçi payını özündə saxlamaqla, əlli faiz təsisçi payını Türkiyə Respublikasının vətəndaşı Nurettin Cengizə satmışdır.
Təxminən 2006-cı ildə hazırda 12 saylı Ərazi Vergilər Baş İdarəsinin rəisi Şahin Eyyubov əmisinin yüksək vəzifədə çalışmasından və nüfuzundan istifadə edərək hər ay ona haqq ödənilməsini tələb etmiş, əks təqdirdə qardaşımı,onun övladlarını şərləyərək həbs etdirəcəyini bildirmişdir. Qardaşım özünün və ya övladlarının həbs ediləcəyindən qorxaraq onun tələbi ilə razılaşmış, əldə olunmuş gəlirdən hər aya Şahin Eyyubova ödənişlər etmişdir.
Hətta Şahin Eyyubov qardaşım Füzulini təzyiq altında saxlamaq, MMC-nin gəlirlərinə nəzarət etmək üçün “Güllübulaq” MMC-nin hüquqi ünvanının Bakı şəhərindən Gəncə şəhərinə dəyişdirmiş, dövlət ödəniləcək pullarıda ondan alaraq mənimsəmişdir.
Daha sonra Şahin Eyyubov gələcəkdə öz çirkin niyyətlərini həyata keçirmək üçün 2017-ci ilin oktyabr ayında qardaşım Füzuliyə hədə-qorxu gələrək MMC-nin ona məxsus olan təsis payının 25 faizini anası Dilbər Eyubovanın adına məcburi olaraq keçirtmişdir.
Həmin vaxt Şahin Eyyubov rəisi olduğu 12 saylı Ərazi Vergilər İdarəsinin həmin vaxt rəisi müavini və şöbə rəisi işləyən Pərviz İsmayılov, Rəfail Məmmədov və Fərhad Quliyev adlı işçilərini Cəmiyyətdə yoxlama aparmağa göndərmiş, onların iştirakı ilə aparılmış yoxlama zamanı Şahin Eyyubov tərəfindən “Güllübulaq” MMC-dən 6 750 494 (altı milyon yeddi yüz əlli min) manat pul götürüdüyü müəyyən olunmuşdur (cədvəl əlavə olunur).
Həmçinin yoxlama zamanı 2017-ci ilin oktyabr ayına şirkətin anbarında 8.000.000 manat məbləğində mal qalığı, 60 ədəd ümumi dəyəri 5.000.000 manat dəyərində nəqliyyat vasitəsi, 10.000 kv.m sahəsi olan anbar və 5 mərtəbəli ofis binasının olduğu müəyyən edilmişdir.
Qardaşım Füzulinin şirkətdə olan payını ələ keçirdikdən sonra Şahin Eyyubov öz əmisinin adından və nüfuzundan istifadə edərək qardaşım Füzulini həbs etdirmiş, ilk öncə onun 10 il müddətinə azadlıqdan məhrum edilməsinə nail olmuş, Bakı Apellyasiya Məhkəməsində qardaşıma bəraət verilmiş, lakin yenə də, Şahin Eyyubov əmisinin adından və nüfuzundan istifadə edərək bəraət hökmünü ləğv etdirmiş və bu dəfə qardaşım Füzulinin 5 il müddətinə azadlıqdan məhrum edilməsinə nail olmuşlar. Bütün bu işlərdəŞahin Eyyubova çox təəüssüf ki, vergi orqanının əməkdaşları köməklik göstərmiş, mövcud olmayan sənədlər əsasında yalandan vergi hesablayaraq onun tutulmasına nail olmuşlar.
Şahin Eyyubov özünə, qohumlarına o qədər arxayın olmuşdur ki, qardaşımın öz vəsaiti ilə qurduğu biznesini heç kimdən və heç nədən çəkinmədən özünün şəxsən və öz işçilərinin iştirakı ilə tərtib edilmiş saxta aktlar əsasında qardaşımdan alaraq mənimsıəmişdir.

Hörmətli cənab Prezident!

Yuxarıda qeyd olunanları nəzərə alaraq 12 saylı Ərzai Vergilər Baş İdarəsinin rəisi Şahin Eyyubovun qanunsuz hərəkətlərinə son qoymağınızı, qardaşımın pozulmuş hüquqlarnmın bərpa olunmasında və dəymiş ziyanın ödənilməsində bizə köməklik göstərməyinizi Sizdən xahiş edirəm.- deyə hazırda həbsxanada olan Adıgözəlov Füzulinin bacısı Məhərrəmova Mirvari ünvanladığı müraciətdə qeyd edib.

Cox təsuf ki bəzən məmurlar unudur ki, Azərbaycanda hər kəs qanun qarşısında bərabərdir. Heç kim hansısa xidmətinə görə məsuliyyətdən yayına biləcəyini düşünməməlidir. Dövlətə xidmətlərini qabardanlar, bundan “toxunulmazlıq” üçün istifadə etməyə çalışanlar da bilməlidir ki, onlara Prezident İlham Əliyev tərəfindən etimad göstərilib və xidmətlərinə görə mükafatlandırılıblar. Lakin bu, onları qanundan üstün etmir. Dövlətə hansısa xidmət göstərmək qanunsuzluğu ört-basdır edə bilməz. Belə məmurların özləri haqqında “əvəzedilməz” müştəbehliyi də absurddur./"DİA-AZ"/