Rusiyanın Başqırdıstan Respublikasının mədəniyyət naziri Amina Şafikova saxlanılıb.

Gundemxeber.com xəbər verir ki, bu barədə TASS-a hüquq-mühafizə orqanlarından məlumat verilib.

Agentliyi məlumatlandıran mənbənin sözlərinə görə, nazir fevralın 18-də saxlanılıb.

Yerli "Telegram" kanallarının məlumatına görə, o, vəzifə səlahiyyətlərindən sui-istifadə etməkdə şübhəli bilinir.

Şafikova 2012-ci ildən Başqırdıstanın mədəniyyət naziri vəzifəsində çalışır. O, bundan əvvəl, 2010-cu ildən 2012-ci ilə qədər isə Ufa Dövlət Rəssamlıq Akademiyasına rəhbərlik edib.

Xatırladaq ki, daha əvvəl Rusiyanın Krasnodar diyarının mülki müdafiə və fövqəladə hallar naziri Sergey Ştrikov da saxlanılıb.

Gundemxeber.com