İyulun 8-nə keçən gecə ABŞ-nin İranın cənub bölgələrinə endirdiyi zərbələr nəticəsində səkkiz iranlı hərbçi həlak olub.

Gundemxeber.com SNN telekanalına istinadən xəbər verir ki, bu barədə İran ordusu bəyanat yayıb.

"ABŞ-nin İranın cənub bölgələrinə qarşı bu səhər törətdiyi cinayətkar təcavüz nəticəsində Hərbi Hava və Hərbi Dəniz Qüvvələrinin 8 hərbçisi Bəndər-Abbas və Buşəhrdə düşmən zərbələri nəticəsində həlak olub", - deyə bəyanatda vurğulanır.

İran ordusu bu zərbələrə görə ABŞ-dən qisas alacağını bəyan edib.

Qeyd edək ki, iyulun 8-də Ağ Ev tərəflər arasında baş verən zərbə mübadiləsindən sonra ABŞ və İran arasında atəşkəs rejiminin artıq qüvvədə olmadığını açıqlayıb.

Gundemxeber.com