Ukrayna Silahlı Qüvvələri səhər saatlarında Rusiya ərazilərinə, o cümlədən Moskva vilayətinə kütləvi pilotsuz uçuş aparatları (PUA) ilə zərbələr endirib. İlkin məlumatlara görə, hücumlar nəticəsində 4 nəfər həlak olub, bir neçə sakin isə müxtəlif dərəcəli xəsarətlər alıb. Ölənlərin və yaralananların son sayı ilə bağlı dəqiqləşdirmə işləri davam etdirilir.

Hücum zamanı müxtəlif mülki və infrastruktura aid obyektlərə ciddi ziyan dəydiyi bildirilir. Regional hakimiyyət orqanları və fövqəladə hallar xidmətləri hadisə yerlərində təmizləmə və fəsadların aradan qaldırılması işlərini aparır.

Artıq beşinci ildir ki, davam edən müharibə fonunda hərbi əməliyyatların coğrafiyası genişlənməkdədir. Müharibənin ilk illərində əsasən Ukrayna ərazisi dağıntılara məruz qalsa da, son dövrlərdə həyata keçirilən cavab zərbələri nəticəsində Rusiya sakinləri də münaqişənin dəhşətlərini öz gündəlik həyatlarında hiss etməyə başlayıblar. Baş verən son kütləvi hücumlar hər iki ölkə üçün humanitar və maddi fəlakətin miqyasının günbəgün böyüdüyünü bir daha göstərir.

Gundemxeber.org