Türkiyənin öz qüvvələrini orada yerləşdirmək planlarına görə İsrail ordusu dəfələrlə Suriyanın Əbu-Duhur hərbi hava bazasına zərbə endirməyi təklif edib. 

Gundemxeber.org  xəbər verir ki, bunu İsrailin müdafiə naziri İsrael Katz bildirib.

Onun sözlərinə görə, əməliyyata razılıq verməzdən əvvəl İsrail Türkiyə hərbi heyətinin yerləşdirilməsinin qarşısını almağa çalışaraq Suriya hakimiyyətini yüksək səviyyədə xəbərdar etmişdi.

İsrail Hərbi Hava Qüvvələri bazar ertəsi gecəsi hava bazasına zərbə endirib. İsrail ordusu əvvəlcə əməliyyatla bağlı şərh verməsə də, Baş nazir Benyamin Netanyahu daha sonra zərbəni təsdiqləyib.

Katz, Türkiyənin orada əməliyyatlara başlamaq niyyəti barədə kəşfiyyat məlumatı aldıqdan sonra ordu tərəfindən dəfələrlə Əbu-Duhura hücum təklifi irəli sürüldüyünü və İsrailin bunun onun təhlükəsizliyinə təhdid yarada biləcəyini qiymətləndirdiyini söylədi.

Nazirin sözlərinə görə, Netanyahu və hərbçilərlə bir neçə müzakirədən sonra əvvəlcə Suriya rəhbərliyinə yüksək səviyyədə birbaşa xəbərdarlıq göndərmək qərara alınıb. Eyni zamanda, müvafiq kəşfiyyat məlumatları Amerika hakimiyyət orqanlarına ötürülüb.

O bildirib ki, "xəbərdarlıq cavabsız qalıb", bundan sonra Katz və Netanyahu uğurla həyata keçirilən zərbəyə icazə veriblər.

Gundemxeber.org