Azərbaycanlı iş adamları Andrey Moloxovun “Pust qovoryat” proqramında qonaq olublar


“Krokus Siti” şirkətlər qrupunun sahibləri Araz və Emin Ağalarovlar Rusiyanın tanınmış aparıcısı Andrey Moloxovun qonağı olublar. “Pust qovoryat” proqramında qonaq qismində iştirak edən azərbaycanlı iş adamları bu il Rusiyada təşkil olunacaq “Dünya gözəli” yarışması barədə danışıblar. Verilişdə həmçinin Rusiyanı indiyə kimi bu yarışmada təmsil edən gözəllər iştirak ediblər.

Moloxovun sualını cavablandıran Emin Ağalarov Rusiyada qalib gələn yarışmaçının 250 min dollar qazanan ötən il təmsilçisindən az mükafat almayacağını vurğulayıb.

Qeyd edək ki, yarışmanın təşkilatçısı Donald Trampla əməkdaşlıq edən Ağalarovlar “Dünya gözəli” titulu uğrunda mübarizənin bu il Moskvada baş tutmasına nail olublar.