Bunu İsrail Silahlı Qüvvələrinin Baş qərargah rəisi, general Aviv Kohavi deyib.
Bildirilib ki, A.Kohavi bu haqda İsrailin hərbi kəşfiyyat idarəsinin rəhbərilə söhbətində danışıb. Onun sözlərinə görə, dünyada elə ordu yoxdur ki, İsrail ordusunun malik olduğu kəşfiyyat imkanlarına malik olsun. Elə döyüş vahidi yoxdur ki, bu cür zəngin intellektə sahib olsun, elə müdafiə qüvvələri yoxdur ki, İsrail Müdafiə Ordusu kimi imkanları olsun:
"Keyfiyyətli kəşfiyyatın sayəsində İsrail ordusu İranda baş verənlər haqda çox şey bilir və müvafiq kəşfiyyatın, kəşfiyyat cameəsinin sayəsində bütün Yaxın Şərqdə İran müəssisələrinə qarşı işləyir".
Baş qərargah rəisinin sözlərinə görə, İranın imkanlarının məhv edilməsinə yönəlmiş əməliyyatlar istənilən arenada və istənilən vaxt davam edəcək, İranın nüvə proqramlarına qarşı operativ planlar isə inkişaf etdiriləcək, daha da yaxşılaşdırılacaq:
"Bizim borcumuz effektiv və vaxtında operativ reaksiyadır".