Peruda silahlılar ölkənin cənubunda patrul xidməti həyata keçirən Peru silahlı qüvvələrinin helikopterini atəşə tutublar.

Gundemxeber.az xarici mediaya istinadla bildirir ki, bu barədə respublikanın Müdafiə Nazirliyi məlumat verib.

“Helikopter terrorçular kolonu tərəfindən atəşə tutulub. Onlar helikopterin füzelyajına atəş açıblar. Təyyarə uğurlu manevr edib və Piçari şəhərinə qayıdıb”, - deyə məlumatda bildirilib.

Müdafiə Nazirliyinin məlumatına görə, hücum nəticəsində 13 yaşlı qız ayağından güllə yarası alıb. O, xəstəxanaya çatdırılıb və həyatı üçün təhlükə yoxdur.

“Canal N” telekanalının məlumatına görə, vertolyot Uanta əyalətində “Sendero luminoso” terror qruplaşması nümayəndələrinin aşkarlanması ilə bağlı daxil olan məlumatla əlaqədar patrul xidməti həyata keçirib.

Gundemxeber.az