Rusiyada populyar "Dom-2" televiziya layihəsinin tanınmış siması, 33 yaşlı Dmitri Lukinin cəsədi paytaxt Moskvadakı mənzilində aşkarlanıb.

Bu barədə Gundemxeber.Az Rusiya mediasına istinadən məlumat verir.

Hadisə yerinə gələn ekspertlər Dmitri Lukinin bədənində 50-dən çox bıçaq xəsarəti qeydə alıblar. Bu dəhşətli cinayətin səbəbi hələlik məlum deyil.

İstintaq orqanları ilkin olaraq Dmitri Lukinin şəxsi münaqişə zəminində tanışı tərəfindən qətlə yetirildiyi versiyası üzərində dayanır. Cinayətdə şübhəli bilinən həmin şəxs fiziki xəsarətlərlə xəstəxanaya yerləşdirilib. Hazırda müstəntiqlər şübhəlini dindirmək üçün həkimlərdən icazə gözləyirlər.

Faktla bağlı cinayət işi başlanılıb və istintaq davam etdirilir.

Dmitri Lukin "Dom-2"də tanındıqdan sonra digər layihələrdə iştirak edərək televiziya karyerasını davam etdirib.

Gundemxeber.Az