ABŞ-ın Texas ştatından olan konqresmen El Qrin prezident Donald Trampa qarşı impiçment prosedurunun başlanması üçün rəsmi rezolusiya irəli sürüb.

Konqresmen bu addımı ABŞ-ın İranda həyata keçirdiyi hava zərbələri ilə əlaqələndirib. Onun sözlərinə görə, Konqresin rəhbərliyi bu əməliyyatlardan əvvəl lazımi şəkildə məlumatlandırılmayıb, bu isə prezidentin səlahiyyətlərindən sui-istifadə kimi qiymətləndirilə bilər.

El Qrin qeyd edib ki, prezidentin belə taleyüklü hərbi qərarları Konqresdən yan keçməklə qəbul etməsi, ölkənin demokratik nəzarət mexanizmlərinə zərbə vurur və bu hal cavabsız qalmamalıdır.

Hazırda rezolusiyanın Konqresdə hansı dəstəyi alacağı məlum deyil. Lakin bu təşəbbüs Tramp ətrafında yaranmış siyasi gərginliyi bir qədər də artırıb.

Gundemxeber.az