Slovakiyanın Baş naziri Robert Fitsoya sui-qəsd cəhdi edən şair Yuray Sintula məhkəmədə Nazirlər Kabinetinin rəhbərini mədəniyyəti "boğduğu" üçün güllələdiyini deyib.

Gundemxeber.az xəbər verir ki, bu barədə "RIA Novosti" məlumat verib.

"Mədəniyyəti boğduğuna görə", - deyə hücumçu jurnalistin 2024-cü ilin mayında Slovakiyanın baş nazirini niyə güllələdiyi ilə bağlı sualına cavab verib.

Məhkəmə zalına daxil olarkən Sintula - "Yaşasın azad mədəniyyət", - deyə qışqırıb.

Xatırladaq ki, ötən il mayın 15-də 71 yaşlı şair Yuray Sintula Slovakiyanın 60 yaşlı baş nazirini öldürməyə cəhd edib. O, siyasətçiyə beş dəfə atəş açıb. Üç güllə baş nazirə dəyib, o cümlədən qarın nahiyəsinə. Fitso təcili olaraq xəstəxanaya yerləşdirilərək komaya salınıb. Həkimlər onun sağ qalmayacağını güman edirdilər. Baş nazir iki əməliyyat keçirib, onlardan biri beş saat davam edib. Fitso yalnız iyul ayında işinə qayıda bilib.

Gundemxeber.az