Ümumdünya Səhiyyə Təşkilatının (ÜST) iki əməkdaşı və onların ailə üzvləri Qəzzanın mərkəzindəki Deyr əl-Balah şəhərində İsrail hərbi əməliyyatları zamanı saxlanılıb.

Gundemxeber.Az xəbər verir ki, məlumatı ÜST-nin rəhbəri Tedros Adhanom Qebreyesus açıqlayıb: "İsrail ordusu gərgin döyüşlər zamanı qadınları və uşaqları Əl-Məvasi humanitar zonasına tərəf piyada təxliyə olmağa məcbur edərək əraziyə daxil olub. Kişi heyət üzvlərinin əlləri qandallanıb, lüt soyundurulub, yerində sorğu-sual edilib və silah gücü ilə axtarış edilib".

İndiyədək saxlanılan 4 nəfərdən 3-ü sərbəst buraxılıb, biri isə həbsdədir. Qebreyesus, həmçinin ÜST-nin 32 əməkdaşının qərargahlara təxliyə edildiyini bildirib.

Təşkilat rəhbərinin sözlərinə görə, ÜST-nin əsas anbarına hücum zamanı partlayış və yanğın baş verib.

Gundemxeber.Az