Gürcüstan Daxili İşlər Nazirliyi beş Ukrayna vətəndaşının Rusiya ilə sərhəddə yerləşən “Yuxarı Lars” keçid məntəqəsində aclıq aksiyasına başladığını açıqlayıb.

Gundemxeber.az xəbər verir ki, nazirliyin məlumatına görə, ukraynalıların Gürcüstan tərəfinə qarşı konkret tələbləri yoxdur. Onların məqsədi Qırmızı Xaç Komitəsinin vasitəçiliyi və Ukrayna səfirliyinin dəstəyi ilə vaxtında vətənə qayıtmaqdır.

Qeyd edək ki, iyunun ikinci yarısından etibarən ümumilikdə 80-dən çox Ukrayna vətəndaşı “Yuxarı Lars” sərhəd-keçid məntəqəsində qalır.

Gürcüstan hakimiyyəti onları bəzilərinin məhkumluğu və sənədlərinin olmaması səbəbilə buraxmır. 

Gundemxeber.az