Avropa İttifaqının (Aİ) sanksiyaları Rusiya Prezidenti Vladimir Putinin və xarici işlər naziri Seygey Lavrovun Aİ səfərlərinə qadağanı nəzərdə tutmur. Bu səbəbdən də Rusiya Prezidentinin Macarıstana səfərinə heç bir maneə yoxdur.

Gundemxeber.com xəbər verir ki, bunu Avropa Komissiyasının (AK) nümayəndəsi Anita Hipper bəyan edib.

"Aİ sanksiyaları Rusiya Prezidenti Vladimir Putinin və xarici işlər naziri Sergey Lavrovun aktivlərinin dondurulmasını nəzərdə tutur, lakin onların Aİ ərazisinə səfərlərinə qadağa qoymur. Buna görə də Macarıstanda sammitin keçirilməsinə heç bir əngəl yoxdur", - deyə o bildirib.

AK-nın digər nümayəndəsi Olof Cil isə bildirib ki, Rusiya prezidentinin təyyarəsi Macarıstana uçarkən onun Aİ dövlətlərinin hava məkanından keçməsinə icazəni bu dövlətlərin hökumətləri verməlidir.

Gundemxeber.com