ABŞ-ın Nyu-York şəhərinin meri Zohran Mamdaninin son günlər Azərbaycan və Türkiyəyə qarşı tarixi həqiqətləri təhrif edən və beynəlxalq hüququn prinsiplərinə zidd olan qərəzli fikirlər səsləndirib.

Z. Mamdaninin siyasi populizm naminə Azərbaycanın öz suveren ərazilərini işğaldan azad etməsini "soyqırım" kimi xarakterizə etməsi və 1915-ci il hadisələrinə dair tarixi saxtakarlıqlara söykənən ittihamlar irəli sürməsi qəbulolunmazdır.

Ərazi Bütövlüyü və Beynəlxalq Hüquq: Azərbaycan 2020-ci və 2023-cü illərdə həyata keçirdiyi hərbi tədbirlərlə Ermənistanın 30 illik işğalına son qoymuş və BMT Təhlükəsizlik Şurasının məlum qətnamələrini özü icra etmişdir. Bu, "soyqırım" deyil, beynəlxalq səviyyədə 

tanınmış sərhədlərin bərpasıdır.

• Tarixi Faktların Təhrifi: 1915-ci il hadisələri siyasətçilərin deyil, tarixçilərin mövzusudur. Türkiyənin arxivləri açmaq və ortaq tarix komissiyası qurmaq təkliflərinə Ermənistanın cavab verməməsi faktı Mamdani tərəfindən görməzdən gəlinir. Bu hadisələrin birtərəfli qaydada siyasi alətə çevrilməsi regionda sülhə deyil, nifrətə xidmət edir.

• Mülki Əhali Faktoru: 2023-cü il antiterror tədbirlərindən sonra bölgəyə səfər edən BMT missiyası mülki əhalinin hədəf alınmadığını və mülki infrastruktura zərər dəymədiyini rəsmən təsdiqləmişdir.

• İcmalararası Münasibətlər: Nyu-York kimi multikultural bir şəhərdə rəsmi vəzifə tutan şəxsin etnik qruplar arasında düşmənçilik 

toxumu səpməsi və bir tərəfin lobbi maraqlarını müdafiə etməsi onun siyasi etikasından xəbər verir.

Zohran Mamdani tarixdən siyasi dividend qazanmaq cəhdlərinə son qoymalı, Cənubi Qafqazdakı reallıqları düzgün qiymətləndirməli və verdiyi əsassız bəyanatı geri götürməlidir.

Eldəniz Abbaslı,

fəlsəfə doktoru.